డబ్బు లేదు, ఉద్యోగం లేదు – అయితే నేను ఏం చేయాలి?

 

డబ్బు లేదు, ఉద్యోగం లేదు – ఇప్పుడు నేను ఏం చేయాలి?

మన మానవ జీవితంలో కొన్ని దశలు మనల్ని పరీక్షిస్తాయి. డబ్బు లేకపోవడం, ఉద్యోగం కోల్పోవడం లేదా కొత్త అవకాశాలు దొరకకపోవడం – ఇవన్నీ మనసులో భయం, ఆందోళన కలిగించవచ్చు. మన చుట్టూ ఉన్న ప్రపంచం ముందుకు వెళ్తున్నట్టనిపిస్తుంది, కానీ మనం మాత్రం వెనుకబడి ఉన్నామన్న భావన భయాన్ని కలుగజేస్తుంది.

అయినా ఈ దశ శాశ్వతం కాదు. ఇది ఒక మలుపు, మనలోని కొత్త శక్తిని(టాలెంట్), కొత్త ఆలోచనను వెలికితీసే అవకాశం. ఈ కష్టకాలాన్ని మనం ఎలా ఉపయోగించుకుంటామో, భవిష్యత్తు దానిపైనే ఆధారపడి ఉంటుంది.

1. ప్రస్తుతం ఉన్న పరిస్థితిని అంగీకరించండి.

తాత్కాలికంగా మనం కష్టంలో ఉన్నాం అనే వాస్తవాన్ని అంగీకరించడం మొదటి అడుగు.

“నేను ఇప్పుడు ఉద్యోగం లేకుండా ఉన్నాను, కానీ ఇది నా జీవితానికి శాశ్వత నిర్ణయం కాదు” అని మనసులో గుర్తు పెట్టుకోవాలి.

ఈ అంగీకారం మనసులోని భారాన్ని తక్కువ చేస్తుంది. సమస్యను నేరుగా అంగీకరించినప్పుడు దాన్ని పరిష్కరించే మార్గాలు సులభంగా కనిపిస్తాయి.

Tell me sudha -డబ్బు లేక ఉద్యోగం కోసం ఆలోచిస్తున్న వ్యక్తి

2. చిన్న చిన్న విషయాలకే కృతజ్ఞత చెప్పండి.

డబ్బు, ఉద్యోగం కోల్పోవడం వల్ల మనం మన దగ్గర లేనివాటి  పైనే దృష్టి పెడతాం. కానీ మన దగ్గర ఉన్న చిన్న విషయాలు ఎంత పెద్దవో మనం గుర్తించాలి.  

ఆరోగ్యం ఉంటే – అది సంపద. 

కుటుంబం మన పక్కన ఉంటే – అది మద్దతు.

మనసులో భవిష్యత్తుపై ఆశ ఉంటే – అది ఇంధనం.

ఇవన్నీ చిన్నవిగా అనిపించినా, వాస్తవానికి ఇవే మన జీవితానికి పునాది. కృతజ్ఞతతో ఉండటం మన మనసుకు సానుకూల శక్తిని ఇస్తుంది.

3. ప్రతి రోజు దినచర్యను ఏర్పాటు చేసుకోవాలి.

ఉద్యోగం లేకున్నా, సమయం వృథా కాకుండా ఒక దినచర్య అవసరం. 

ఉదయం త్వరగా లేవడం కొద్దిగా వ్యాయామం చేయడం.

పుస్తకాలు చదవడం లేదా కొత్త విషయాలు నేర్చుకోవడం.

ఉద్యోగ అవకాశాల కోసం ప్రయత్నించడం.

ఒక చిన్న వ్యక్తిగత లక్ష్యాన్ని (goal) పూర్తి చేయడం.

ఈ రొటీన్ మనకు క్రమశిక్షణను ఇస్తుంది. నియమిత జీవితం మనలో ఉత్సాహం పెంచుతుంది.

Tell me Sudha – తన విజయాన్ని చూపుతున్న వ్యక్తి

4. కొత్తది నేర్చుకోవడంలో ఆసక్తి చూపండి.

ఇప్పుడు ఉన్న ఖాళీ సమయం వృథాగా కాకుండ, దాన్ని మన టాలెంట్ పై ఉపయోగిస్తే రేపటికి మనం బలమైన మనిషిగా మారవచ్చు.

ఇంటర్నెట్‌లో వేలాది ఉచిత వనరులు ఉన్నాయి: యూట్యూబ్ ఛానల్స్ – టెక్నికల్, భాష, డిజైన్, మార్కెటింగ్ మొదలైన ఎన్నో రంగాల్లో నేర్చుకోవచ్చు.

 ఆన్లైన్  కోర్సులు – Coursera, edX, Udemy వంటి సైట్లలో ఉచిత కోర్సులు అందుబాటులో ఉన్నాయి. Free Blogs – చదివి మన ఆలోచనలను విస్తరించుకోవచ్చు.

కొత్త నైపుణ్యాలు నేర్చుకోవడం రేపటి ఉద్యోగానికే కాకుండా, మనకు ఆత్మవిశ్వాసాన్ని కూడా ఇస్తుంది.

5. ఇంటర్నెట్‌ని అవకాశంగా మార్చుకోండి.

ఉద్యోగం లేకున్నా, సంపాదించే మార్గాలు ఉన్నాయి. ఇంటర్నెట్ ఈరోజు పెద్ద వేదిక. 

రాయడం వస్తే – Freelance Writing 

డిజైనింగ్ వస్తే – Canva ద్వారా సోషల్ మీడియా పోస్టులు తయారు చేయడం 

ఫోటో ఎడిటింగ్ వస్తే – Fiverrలో చిన్న పనులు చేయడం 

బోధించడం వస్తే – Chegg, Vedantu, YouTube Teaching

చిన్న మొత్తంలో అయినా సంపాదన మొదలైనప్పుడు మనకు కొత్త ధైర్యం వస్తుంది.

6. నిరాశకు లోనవ్వకండి.

ప్రతీ కష్ట సమయం ఒక తాత్కాలిక దశ మాత్రమే. మనం ఎంత బలంగా ఎదుర్కొంటామో, అంత త్వరగా దానిని దాటవచ్చు.

“ఈ చీకటి తర్వాతే వెలుగు వస్తుంది” అని మనసులో గుర్తుంచుకోండి.

7. ప్రతిరోజూ ఆత్మపరిశీలన చేయండి.

ఒక నోట్‌బుక్ తీసుకుని ప్రతిరోజూ రెండు ప్రశ్నలకు జవాబు రాయండి: 

    నేడు నేను ఏం నేర్చుకున్నాను?

   ఈరోజు నా భావాలు ఎలా ఉన్నాయి?

ఇది మనలో ఆత్మవిశ్వాసం పెంచుతుంది. చిన్న చిన్న అభివృద్ధులు కూడా పెద్ద మార్పులకే దారి తీస్తాయి.

8. చిన్న లక్ష్యాలను పెట్టుకోండి.

అవకాశం రాకపోయినా, మనమే మనకి టాస్క్‌లు ఇచ్చుకోవాలి.
 ఉదాహరణకు: ఈ వారం ఒక కొత్త నైపుణ్యం నేర్చుకోవాలి. 10 ఉద్యోగాలకు దరఖాస్తు చేయాలి. ఒక బ్లాగ్ ఆర్టికల్ రాయాలి. లక్ష్యాలు మనకు దిశను చూపుతాయి.

ఒక మాట మిత్రమా

డబ్బు లేకపోవడం, ఉద్యోగం కోల్పోవడం – ఇవన్నీ మనల్ని కూర్చోబెడతాయి. కానీ మనలోని స్ఫూర్తి నిలకడగా ఉంటే, ఏ పరిస్థితినైనా జయించవచ్చు. 

ఈ కష్టాన్ని ఒక అవకాశంగా చూడండి.మీ లోని నూతన శక్తిని వెలికితీయండి.రేపు మీ కథ ఇంకొకరికి ఆదర్శం కావచ్చు.